ستلج ندي
ستلج ندي
ستلج ندي: هيءَ ندي سنڌو درياهه جي ڀرتي ڪندڙ درياهن مان هڪ آهي، جيڪا هماليه جبل تي، ٿٻيٽ جي ڏکڻ اولهه مان 15200 فوٽ بلنديءَ تان وهي، پهرين هندستاني علائقن مان ٿيندي اچي ٿي، جتان رستي ۾ بياس ندي ڇوڙ ڪري ٿي. ان کان پوءِ هيءَ ڏکڻ اولهه طرف پاڪستان ۾ پنجاب جي علائقي کان داخل ٿي وهي ٿي. هيءَ ندي پڻ سنڌو طاس معاهدي هيٺ هندستان کي وڪرو ڪيل آهي ۽ هن جي پاڻيءَ تي هندستان جو قبضو آهي. اهو ئي سبب آهي، جو هيءَ ندي پاڪستان جي حدن ۾ سال جو اڪثر حصو خشڪ رهندي آهي. هن نديءَ ۾ برساتن جو پاڻي وڏي مقدار ۾ وهي هلندو آهي، خاص ڪري ٻوڏ وارن ڏينهن ۾ هيءَ ندي تار وهندي آهي.
ستلج نـديءَ جي ڪل ڊيگهه 300 ميل آهي. هيءَ ندي پنجـاب جي چولستان واري حصي کي سيراب ڪندي پنج ند وٽان ٽن گڏيـل اتريـن دريـاهـن (جهلم، راوي ۽ چناب) سان ملي ٿي، جتان وري سـنڌوءَ ۾ مـلي ٿي.
لفظ ستلج نديھيٺين داخلائن ۾ پڻ استعمال ٿيل آھي
درياھ - ڀاڱي جون ٻِيون داخلائون
درسادوتي درياههحيدري ڦاٽ
ديولي
سنڌ ۾ آبپاشيءَ جو سرشتو
ڀَل
سنڊي بندر
بگهاڙ
ٻانڊي
چورگپ
اباسين